Zaqatalada it bir gündə 7 nəfəri dişlədi

Zaqatalada it bir gündə 7 nəfərə xəsarət yetirib.

Hadisə noyabrın 21-də günorta saatlarında Zaqatala şəhərində baş verib. Xəsarət alan şəxslər Zaqatala Rayon Mərkəzi Xəstəxanasına müraciət ediblər.

Zaqatala şəhər sakinləri olan – 53 yaşlı Aydın Dibirov, 57 yaşlı Mohuma Tamahov, 69 yaşlı Zəkəriyyə Kərimov, 57 yaşlı Gülüstan İsmayılova və daha 3 nəfərə xəstəxanada lazımi tibbi yardım göstərilib, quduzluq əleyhinə vaksin vurulduqdan sonra evə buraxılıblar.