Atıcılıq üzrə 53 cü dünya çempionatında qadın atıcılarımız medal qazandı

Bakıda keçirilən atıcılıq üzrə 53-cü dünya çempionatında ölkəmizin qadın idmançıları uğur qazanıblar.

25 metr məsafəyə tapançadan standart atəşaçma yarışına qatılan Azərbaycan komandası gümüş mükafatın sahibi olub.

Zeynəb Sultanova, Nigar Nəsirova və Nərminə Səmədovadan ibarət “üçlük” yalnız Çin komandasından geri qalıb. Bu növdə bürünc medalları isə Hindistan kollektivi qazanıb.

Qeyd edək ki, avqustun 14-ü start götürən atıcılıq üzrə dünya çempionatında ümumən 55 növdə qaliblər müəyyənləşir. Sentyabrın 1-dək davam edəcək turnir Paris-2024 Olimpiadasına lisenziya xarakterlidir.