Atıcılıq üzrə dünya çempionatında daha bir qalib müəyyənləşib

Bakıda davam edən atıcılıq üzrə dünya çempionatında qadınlar arasında 50 metr məsafəyə 3 mövqedən atəş üzrə qalib məlumdur.

Maraqlı mübarizə ilə diqqət çəkən yarış Çin idmançılarının uğuru ilə əlamətdar olub.

465,3 xal toplayan Qionqyu Çjan bu növdə 1-ci yeri tutub. Onun həmyerlisi, 463,58 xal nəticə göstərən Jiayu Han 2-ci pillədə qərarlaşıb. İlk 3-lüyü ABŞ atıcısı Saqen Maddalena qapayıb.

Qeyd edək ki, hazırda medal sıralamasına Çin idmançıları başçılıq edirlər. Bu ölkənin təmsilçiləri 8-i qızıl olmaqla ümumilikdə 16 mükafat qazanıblar.