AVRO-2024 | Albaniya - İspaniya matçı

AVRO-2024-ün favoritləri arasında göstərilən İspaniya millisi qrupda son matçına çıxıb.

“Qırmızı Furiya” 3-cü tur çərçivəsində Albaniya futbolçularını sınağa çəkib.

Düsseldorfda baş tutan görüşün ilk dəqiqələrindən təşəbbüs pireneylilərdə olub.

İspaniya yığmasının hücumları 13-cü dəqiqədə nəticə verib. Ferran Torres fərqlənib. Fasiləyədək başqa qol olmayıb.

2-ci yarıda Albaniya yığması fəallaşıb. Lakin komandanın hücumları nəticə verməyib. Müdafiədə diqqətli oynayan İspaniya seçməsi qarşılaşmada minimal hesablı qələbə qazanıb.

Bu nəticədən sonra “Qırmızı Furiya” B qrupunda bütün oyunlarda qalib gələrək xallarının sayını 9-a çatdırıb.

1/8 finala qrup 1-cisi kimi adlayan pireneylilər növbəti mərhələdə ən yaxşı 3-cü yeri tutan komandalardan biri ilə qarşılaşacaq.