İdman
Pleyeri seçin:
AVRO-2024-də 1/8 finalın daha bir matçı baş tutub
AVRO-2024-də 1/8 finalın son oyunlarından biri Münhen şəhərində olub.
“Alyans Arena”da keçirilən matçda Rumıniya və Niderland milliləri qarşılaşıb.
Görüşdə hesabı 20-ci dəqiqədə “narıncılar” açıblar. Kodi Qakponun zərbəsi dəqiq alınıb. İlk hissə Niderland yığmasının minimal üstünlüyü ilə bitib.
Fasilədən sonra da baş məşqçi Ronald Kumanın komandası daha yaxşı təsir bağışlayıb. Hücumlarını davam etdirən kollektiv 83-cü dəqiqədə fərqi artırıb. K.Qakponun ötürməsindən sonra Donyel Malen topu qapıya göndərib.
Matçda son nöqtəni özünün 2-ci, komandasının 3-cü qolunu vuran D.Malen qoyub. 3-0 hesablı qələbə ilə 1/4 finala yüksələn Niderland yığması bu mərhələdə Avstriya və Türkiyə arasında mübarizənin güclüsü ilə üz-üzə gələcək.
Kopyalandı
Seçilmişlər
