AVRO-2024 | İspaniya - Fransa matçı

Almaniyada keçirilən futbol üzrə Avropa çempionatında ilk finalçının adına aydınlıq gəlib.

“Alyans Arena”da baş tutan oyunda İspaniya və Fransa yığmaları qarşılaşıblar.

Sloveniyalı referi Slavko Vinçiçin idarə etdiyi görüşdə hesab 9-cu dəqiqədə açılıb. Fransızların heyətindən Kolo Muani hədəfi dəqiq nişan alıb. Lakin hücumlarını sürətləndirən “Qırmızı Furiya” 21-ci dəqiqədə 16 yaşlı futbolçu Lamin Yamalın qolu ilə tarazlığı bərpa edib. Cəmi 4 dəqiqə sonra Dani Olmo 2-ci topu Fransa yığmasının qapısından keçirib. İspanlar fasiləyə üstün yollanıblar.

İkinci yarıda Fransa yığması məğlubiyyətdən qurtulmağa çalışsa da, nəticə dəyişməyib. Oyunda 2-1 hesablı qələbə qazanan İspaniya seçməsi finala vəsiqə əldə edib.

Qeyd edək ki, İspaniya millisi həlledici mərhələdə Niderland – İngiltərə cütünün güclüsü ilə üz-üzə gələcək.