Pleyeri seçin:
AVRO-2024 | İsveçrə millisi İtaliya ilə qarşılaşıb
Almaniyada keçirilən futbol üzrə Avropa çempionatında 1/8 final mərhələsinə start verilib.
İlk matçda İsveçrə və İtaliya milliləri üz-üzə gəliblər. Berlinin “Olimpiyaştadion” arenasında keçirilən matçda hesabı isveçrəlilər açıblar. 37-ci dəqiqədə Remo Froyler fərqlənib. İlk hissə bu hesabla yekunlaşıb.
İkinci yarıda üstünlüyü əldən verməyən İsveçrə yığması növbəti dəfə “skuadra adzurra”nın qapısına yol tapıb. Ruben Varqas görüşdə son nöqtəni qoyub.
Beləliklə, 2-0 hesablı qələbə qazanan İsveçrə millisi 1/4 finala yüksəlib. Komanda növbəti mərhələdə İngiltərə – Slovakiya cütünün qalibi ilə üz-üzə gələcək.
Kopyalandı
