AVRO-2024-də daha 2 matç keçiriləcək

Almaniyada keçirilən futbol üzrə Avropa çempionatında III tura start veriləcək.

İlk gündə A qrupu çərçivəsində 2 matç keçiriləcək. 1/8 final mərhələsinə vəsiqə əldə edən Almaniya millisi İsveçrəni sınağa çəkəcək. Frankfurtda təşkil olunacaq qarşılaşmanın baş hakimi italiyalı Daniele Orsato olacaq.

Digər oyunda Şotlandiya və Macarıstan yığmaları üz-üzə gələcək. Ştutqartda baş tutacaq bu görüşdə isə ədalət prinsiplərini argentinalı Fakundo Telyo qoruyacaq.

Qeyd edək ki, hər 2 matç Bakı vaxtı ilə saat 23-də start götürəcək.

Əlavə edək ki, hazırda aktivində 6 xalı olan Almaniya A qrupunun lideridir. İsveçrə 2 xalla ikinci, aktivində xal olmayan Şotlandiya və Macarıstan isə müvafiq olaraq 3-4-cü pillələri bölüşdürür.