Pleyeri seçin:
Türkiyə millisi yarımfinal uğrunda matça çıxır
Bu gün AVRO-2024-də 1/4 final mərhələsinə yekun vurulacaq.
İlk oyunda İngiltərə millisi İsveçrə yığması ilə üz-üzə gələcək.
Mərkəzi avropalıların görüşə tam heyətlə hazırlaşdığı bir vaxtda vərəqə cəzalısı Mark Qehi britaniyalılara kömək edə bilməyəcək.
Düsseldorf şəhərində keçiriləcək və Bakı vaxtı ilə saat 20:00-da start götürəcək matçın baş hakimi isə italiyalı Daniele Orsato olacaq. Mərhələnin son qarşılaşmasında Niderland və Türkiyə milliləri münasibətlərə aydınlıq gətirəcək.
Berlinin “Olimpiyaştadion” arenasında keçiriləcək oyuna hər 2 kollektiv itkilərlə çıxacaq. “Narıncılar”dan Mateys de Liqt xəstəlik səbəbindən, “ay-ulduzlular”dan isə Orkun Kökçü və İsmayil Yüksək vərəqə cəzalısı olduqları üçün matçı buraxırlar.
Qeyd edək ki, Bakı vaxtı ilə saat 23:00-da başlayacaq Niderland – Türkiyə görüşünü fransalı Kleman Türpen idarə edəcək.
Kopyalandı
#AVRO-2024 teqi istifadə olunub
Seçilmişlər
