AVRO-2024 | Portuqaliya - Fransa milliləri üz-üzə gəlib

Futbol üzrə Avropa çempionatında 1/4 finalın daha bir görüşü baş tutub.

Hamburqda yerləşən “Folksparkştadion”da keçirilən oyunda turnirin əsas favoritləri Portuqaliya və Fransa milliləri üz-üzə gəliblər.

İngiltərəli referi Maykl Oliverin idarə etdiyi oyunun əsas vaxtında qapılar önündə qol vəziyyətləri yaransa da, hesab açılmayıb. Bu səbəbdən qarşılaşmada əlavə 30 dəqiqə oynanılıb. Lakin tərəflər yenə fərqlənə bilməyiblər.

Yekunda penaltilər seriyasına ehtiyac yaranıb. Burada isə 3-5 hesabı ilə güclü olan Fransa yığması yarımfinala vəsiqə qazanaraq İspaniya seçməsinə rəqib olub.

Qeyd edək ki, İspaniya – Fransa oyunu iyulun 9-u Bakı vaxtı ilə saat 23:00-da start götürəcək.