İdman
Pleyeri seçin:
AVRO-2024-ün ilk oyunu keçirilib | Almaniya Şotlandiyanı böyük hesabla məğlub edib
Futbol üzrə 17-ci Avropa çempionatına start verilib.
Açılış matçında A qrupunda mübarizə aparan Almaniya və Şotlandiya milliləri üz-üzə gəliblər.
“Alyans Arena”da keçirilən görüşdə hesab 10-cu dəqiqədə açılıb. Florian Virts komandasının ilk qolunun müəllifi olub. 9 dəqiqə sonra Camal Musiala fərqi 2-yə çatdırıb.
İlk hissəyə əlavə olunan dəqiqədə Kay Havertz 11 metrlik cərimə zərbəsini dəqiq yerinə yetirib. Beləliklə, “Bundestim” fasiləyə 3-0 hesablı üstünlüklə yollanıb.
İkinci yarıya da sürətli başlayan almanlar 68-ci dəqiqədə Niklas Fülkruqun qolu ilə fərqi 4-ə çatdırıblar. 87-ci dəqiqədə şotlandlar buraxılan qollardan birinin əvəzini çıxıb. Antonio Rüdiger avtoqol müəllifi olub. Lakin matçda son nöqtəni Emre Can qoyub. Almaniya-Şotlandiya: 5-1.
Kopyalandı
Seçilmişlər
