Pleyeri seçin:
Avropa liqası: “Olimpiya” - “Qarabağ” matçı
“Qarabağ” klubu avrokuboklarda növbəti qələbəsini qazanıb.
Komandamız Avropa liqasında pley-off mərhələsinin ilk matçında Sloveniyanın “Olimpiya” kollektivinin qonağı olub.
Lyublyana şəhərinin “Stojitse” stadionunda baş tutan görüşdə hesab 32-ci dəqiqədə açılıb. Kevin Medina “köhlən atlar”ı irəli çıxarıb. 1-0.
İlk yarının sonlarında fərq artıb. Leandro Andrade 2-ci topu “Olimpiya”nın qapısından keçirib. Tərəflər fasiləyə “Qarabağ”ın 2-0 hesablı üstünlüyü ilə yollanıblar.
2-ci yarıda da təhlükəli vəziyyətlər yaransa da, matçda başqa qol olmayıb. Beləliklə, səfər oyununda 2 cavabsız topla qələbə qazanan komandamız cavab qarşılaşmasından əvvəl üstünlük əldə edib.
Qeyd edək ki, bu klublar arasında 2-ci matç avqustun 31-i Bakıda keçiriləcək. Tofiq Bəhramov adına Respublika stadionunda baş tutacaq görüş saat 20:00-da start götürəcək.
Kopyalandı
#Olimpiya FK teqi istifadə olunub
Seçilmişlər
