Pleyeri seçin:
Dünya və Azərbaycan idmanının əfsanəsi karyerasını sonlandırdı
Azərbaycan və dünya güləşinin canlı əfsanəsi Mariya Stadnik idmançı karyerasını sonlandırıb.
Müvafiq məlumatı paylaşan Azərbaycan Güləş Federasiyası qazandığı uğurlarla bir çox yeniyetmə və gənc idmançılara ilham mənbəyi olduğuna görə Mariya Stadnikə təşəkkür edib.
Xatırladaq ki, Mariya Stadnik ikiqat dünya və 10 qat Avropa çempionudur. Azərbaycan idmanının yeganə 5 qat Olimpiada iştirakçısı olan Mariya 4 illiyin zirvə yarışlarında 4 medal qazanıb. İlk dəfə “Pekin-2008”də bürünc mükafata yiyələnən 36 yaşlı güləşçi “London-2012” və “Rio-2016” turnirlərində yalnız finalda uduzaraq gümüş medalın sahibi olub. Yaponiyanın paytaxtı Tokioda üçüncülüklə kifayətlənən M.Stadnik 2024-cü ildə Parisdə keçirilən Olimpiadada iştirak etsə də, yarışı mükafatsız başa vurub.
Mariya Stadnik həm də Avropa Oyunlarının ikiqat qalibidir. Bakıda təşkil olunan turnirdə qızıl medal qazanan güləşçimiz 4 il sonra Belarusun paytaxtı Minskdə də bu uğuru təkrarlayıb.
Kopyalandı
#Mariya Stadnik teqi istifadə olunub
