Güləşçimiz Mariya Stadnik “Paris-2024”ə qələbə ilə başladı

Paris Olimpiadasında ölkəmizi təmsil edən yeganə qadın güləşçimiz Mariya Stadnik ilk görüşünə çıxıb.

50 kq çəki dərəcəsində mübarizə aparan idmançımız yarışa 1/8 finaldan start verib. Burada almaniyalı Anastasiya Blayvası məğlub edən Stadnik 1/4 finala yüksəlib.

Qeyd edək ki, 2 qat dünya və 10 qat Avropa çempionu olan Mariya Stadnik daha əvvəl 4 dəfə ölkəmizi Olimpiadalarda təmsil edib. “London-2012” və “Rio-2016”da gümüş medal qazanan Stadnik “Pekin-2008” və “Tokio-2020”də isə bürünc mükafata yiyələnib. Eyni zamanda o, Avropa Oyunları və İslam Həmrəyliyi Oyunlarının ikiqat qalibidir.