Eduard Məmmədov: "Azərbaycan kikboksinq tarixində görülməyən nəticələrə imza atdıq"

“Noyabrın 21-dən 30-na kimi Əbu-Dabi şəhərində WAKO versiyası üzrə iki ildən bir keçirilən dünya çempionatı baş tutmuşdu. Bu yarışda Azərbaycan kikboksinq komandası 6 qızıl, 1 gümüş və 5 bürünc medal qazandı”.

Bunu Baku TV-yə açıqlamasında Azərbaycan Kikboksinq Federasiyasının (AKF) vitse-prezidenti Eduard Məmmədov bildirib.

O bu nəticənin Azərbaycan kikboksinqi üçün tarixi uğur olduğunu vurğulayıb:

“Bu günə qədər belə nəticəmiz olmayıb. Bu, Azərbaycan Kikboksinq Federasiyası üçün çox böyük nailiyyətdir. Yarışda həm Federasiyanın vitse-prezidenti, həm məşqçi, həm də idmançı kimi iştirak etdim. İdmançı kimi ona görə qatıldım ki, gənclərə motivasiya verim, görsünlər ki, müəllimləri bacarır və vuruşur. İki gün ərzində 6 döyüş keçirdim. Şükürlər olsun ki, qızıl medal qazandım”.