Eduard Məmmədovun növbəti zəfəri

Azərbaycan Respublikası Daxili İşlər Nazirliyinin İdman Cəmiyyətinin İdman-təlim şöbəsinin rəisi, polis polkovnik-leytenantı Eduard Məmmədov kikboksinqin “WAKO” versiyası üzrə dünya kubokunda qələbə qazanıb.

Türkiyənin İstanbul şəhərində keçirilən yarışa qatılan titullu idmançımız 3 döyüşdə qüvvəsini sınayıb. Ardıcıl olaraq türkiyəli Sebahattin Özgül və özbəkistanlı Qahramon Gofurovu məğlub edən Eduard finala yüksəlib.

Həlledici görüşdə isə Türkiyənin daha bir təmsilçisi Ecvet Sırma üzərində qələbə qazanan E.Məmmədov mayın 18-dən 21-dək keçirilən turnirdə çempion olub. Bununla da E.Məmmədov karyerasında 9-cu dəfə “WAKO” versiyası üzrə dünya kubokuna yiyələnib.

Qeyd edək ki, həlledici görüşdə Ecvet Sırmadan güclü olan Eduard bu idmançı üzərində artıq 2-ci qələbəsinə sevinib.