Pleyeri seçin:
Güləşçilərimiz U-23 dünya çempionatında 8 medal qazanıblar
Xəbərlərimizi Google-da izləyin
Yeniliklərdən dərhal xəbərdar olun
Azərbaycan güləşçiləri 23 yaşadək idmançılar arasında baş tutan dünya çempionatında parlaq nəticə göstəriblər.
Respublikamızın nümayəndələri Albaniyada keçirilən yarışda 2-si qızıl, 3-ü gümüş və 3-ü bürünc olmaqla ümumilikdə 8 medal qazanıblar.
Təmsilçilərimizdən Jalə Əliyeva tarixi uğura imza ataraq, 23 yaşadək idmançılar arasında dünya birinciliyində çempion olan ilk qadın güləşçimiz adına yiyələnib. Onunla yanaşı, Maqomed-Başir Xaniyev kişilərin turnirində fəxri kürsünün ən yüksək pilləsinə qalxıb.
Gümüş mükafatları ölkəmizin aktivinə Rəşad Məmmədov, Ruslan Abdullayev və Arseniy Djioyev yazdırıblar. Nihad Quluzadə, Xasay Həsənli və Cəbrayıl Qadjiyev isə Tirana şəhərindəki yarışda bürünc medal əldə ediblər.
Parlaq nəticə münasibətilə idmançıları, onların valideynlərini və məşqçilərini təbrik edən Azərbaycan Güləş Federasiyası bu nailiyyətlərin gələcək perspektivlərdən xəbər verdiyini və növbəti turnirlərdə də uğurlu nəticələrə inam yaratdığını vurğulayıb.
Kopyalandı
#Azərbaycan güləşçiləri teqi istifadə olunub
- İtaliyada keçirilən Avropa çempionatında rekord xalla birinci olan güləşçilərimiz Vətənə qayıdıblar
- U-23 Avropa çempionatında yunan-roma güləşçilərimiz 3 medal qazanıb
- Yunan-Roma güləşçilərimizdən Dünya çempionatında tarixi uğur | Albaniya
- Avropa çempionatında yüksək nəticələr əldə edən güləşçilərlə görüş keçirilib
- 2023-cü ildə uğur qazanan güləşçilərlə görüş keçirilib
Seçilmişlər
