Pleyeri seçin:
İngiltərə çempionatı: "Mançester Yunayted" - "Çelsi" oyunu
İngiltərə Premyer liqasında 15-ci turun mərkəzi matçı “Old Trafford” arenasında keçirilib.
“Mançester Yunayted” və “Çelsi” arasında oyunda qırmızı şeytanlar 9-cu dəqiqədə hesabı açmağa yaxın olsalar da, Brunu Fernandeş penaltidən fərqlənə bilməyib. Bununla belə 19-cu dəqiqədə Skott Maktomini mankunianları irəli çıxarmağı bacarıb. “Zadəganlar”ın bərabərlik cəhdləri fasilə ərəfəsində nəticə verib. Koul Palmer tarazlığı bərpa edib: 1-1.
2-ci yarıda da meydanda maraqlı mübarizə gedib. 69-cu dəqiqədə Maktomini həm özünün, həm də komandasının 2-ci qolunu vurub. Bundan sonra qonaqlar məğlubiyyətdən qurtulmağa çalışsalar da, səyləri nəticəsiz qalıb.
Qarşılaşmada 2-1 hesablı qələbə qazanan “Mançester Yunayted” xallarının sayını 27-yə çatdırıb. “Tottenhem”lə bərabərləşən “qırmızı şeytanlar” bu kollektivlə 5-ci, 6-cı yerləri bölüşdürürlər. 19 xalı olan “Çelsi” isə 10-cu pillədədir.
Kopyalandı
#İngiltərə çempionatı teqi istifadə olunub
Seçilmişlər
