Pleyeri seçin:
“Çelsi” London derbisində “Tottenhem”i qəbul edib
İngiltərə çempionatında 26-cı turun təxirə salınan görüşündə “Çelsi” və “Tottenhem” klubları üz-üzə gəliblər.
“Stemford Bric” arenasında keçirilən London derbisinə meydan sahibləri istəkli başlayıblar. “Zadəganlar”ın hücumları 24-cü dəqiqədə nəticə verib. Trevo Çaloba “mahmızlar”ın qapısına yol tapıb.
İlk hissə “Çelsi”nin minimal üstünlüyü ilə bitib. Fasilədən sonra “Tottenhem” təzyiqi artırıb. Lakin baş məşqçi Ance Postekoqlunun futbolçuları fərqlənə bilməyiblər. 72-ci dəqiqədə isə Nikolas Cekson 2-ci topu qonaqların qapısına göndərib.
Qalan vaxtda “Tottenhem”in məğlubiyyətdən qurtulmaq cəhdləri nəticəsiz qalıb. Qarşılaşmada 2-0 hesabı ilə qalib gələrək, xallarının sayını 51-ə çatdıran “zadəganlar” 8-ci, ardıcıl 3-cü görüşdə uduzan “Tottenhem” isə 5-ci yerdədir.
Qeyd edək ki, “Çelsi” növbəti turda doğma meydanda “Vest Hem”i sınağa çəkəcək. “Tottenhem” isə səfərdə “Liverpul”la üz-üzə gələcək.
Kopyalandı
#İngiltərə çempionatı teqi istifadə olunub
