İdman
Pleyeri seçin:
Mariya Stadnik 9-cu dəfə Avropa çempionu oldu
Qadınlardan ibarət güləş millimizin üzvü Mariya Stadnik 9-cu dəfə Avropa çempionu olub.
50 kq çəkidə çıxış edən Mariya Xorvatiyada keçirilən yarışda ardıcıl olaraq Türkiyə, Fransa və Polşa nümayəndələrinə qalib gələrək finala yüksəlib.
Həlledici görüşdə ukraynalı Oksana Livaçla qarşılaşan M.Stadnik 9-4 hesablı qələbə qazanaraq qızıl medala yiyələnib.
Daha 2 təmsilçimiz – 55 kq-da qüvvəsini sınayan Elnurə Məmmədova və 59 kq-da mübarizə aparan Alyona Kolesnik isə bürünc mükafat uğrunda güləşsələr də məğlub olublar.
Qeyd edək ki, Zaqrebdə keçirilən yarışda 1-ci yeri tutan M.Stadnik həm də 2 qat Dünya çempionudur.
Bundan başqa, o, Bakı və Minskdə keçirilən Avropa Oyunlarında, habelə 2017 və 2021-ci il İslam Həmrəyliyi Oyunlarında qızıl medala yiyələnib.
Kopyalandı
