Pleyeri seçin:
Məşhur şahmat platformasından ölkəmizə qarşı təxribat
Məşhur şahmat platformalarından “Lichess” ölkəmizə qarşı təxribata yol verib.
Belə ki, sözügedən portalın qeydiyyat hissəsində ölkələr arasında Azərbaycanın Qarabağ bölgəsi qondarma rejimin adı ilə qeyd olunub. Müvafiq seçimi etdikdən sonra hesabda separatçı rejimin əski parçasının simvolu göstərilir.
Qeyd edək ki, ölkəmizə qarşı bu təxribatla əlaqədar Azərbaycan Şahmat Federasiyası “Lichess” platformasına etiraz məktubu ünvanlayaraq ölkələrin adları siyahısında düzəliş edilməsini tələb edib.
Bildirilib ki, düzəliş olunmasa, Bakıda keçiriləcək şahmat üzrə Dünya Kubokunun həmin portalda yayımına icazə verilməyəcək. “Lichess” isə etiraz məktubundan nəticə çıxarmaq əvəzinə, bildirib ki, platforma siyasətə qarışmır, sözügedən siyahı isə tam olaraq ölkə anlamına gəlmir və sadəcə addır.
Kopyalandı
