Ölkəmiz daha bir mötəbər turnirə ev sahibliyi edəcək

Mayın 29-dan iyunun 4-dək Bakı Kristal Zalında taekvondo üzrə Dünya Çempionatı keçiriləcək.

Mötəbər yarışa son hazırlıqlarla bağlı təşkil olunan mətbuat konfransında Azərbaycan Taekvondo Federasiyasının vitse-prezidenti Nağı Səfərov və Dünya Taekvondo Federasiyasının nümayəndəsi Məhəmməd Şaaban iştirak edib. Tədbirdə yarışla bağlı ətraflı məlumat verilməklə yanaşı, çempionatın rəsmi saytının təqdimatı olub.

Qeyd edək ki, sayca 26-cı dəfə keçirilən Dünya Çempionatı Ümumdünya Taekvondo Federasiyasının 50 illiyinə təsadüf etdiyi üçün ölkəmizə 3000-dək qonağın gəlişi gözlənilir.