Pleyeri seçin:
"Mançester Siti" çempionluq yolunda ağır zərbə alıb
İngiltərə Premyer liqasında 14-cü turun mərkəzi matçı “Etihad Stedium”da olub.
Son çempion “Mançester Siti” ilə qarşılaşan “Tottenhem” artıq 6-cı dəqiqədə hesabı açıb. Kapitan Son Hön Min fərqlənib. Çox keçmədən hesab bərabərləşib. Son bu dəfə avtoqol müəllifi olub: 1-1.
31-ci dəqiqədə “şəhərlilər” irəli çıxıblar. Fil Fodenin zərbəsi dəqiq olub. 69-cu dəqiqədə “mahmızlar” tarazlığı bərpa ediblər. Covanni Lo Çelso qapını dəqiq nişan alıb.
81-ci dəqiqədə Cek Qriliş mankunianlara yenidən üstünlük qazandırsa da, londonlular məğlubiyyətdən qaça biliblər. 90-cı dəqiqədə Kuluşevskinin qolu həm də yekun nəticəni müəyyənləşdirib. “Mançester Siti” – “Tottenhem”: 3-3.
3 oyunluq məğlubiyyət seriyasını sonlandıran “Tottenhem” 27 xalla 5-ci yerdədir. 30 xalı olan “Siti” isə 3-cü pillədədir. Yarış cədvəlinə 33 xalla “Arsenal” başçılıq edir.
Kopyalandı
#İngiltərə çempionatı teqi istifadə olunub
