Azərbaycan kosmik dövlətə çevrilir

“Azərbaycanda kosmik sənayenin inkişafının çox böyük potensialı var və gələcək də məhz bu istiqamətdə inkişaf edəcək”.

Bunu Prezident İlham Əliyev ümummilli lider Heydər Əliyevin 100 illik yubileyi münasibətilə Şuşadan Azərbaycan xalqına müraciətində deyib. Prezident bildirib ki, Azərbaycanda yüksək texnologiyaların inkişafına hesablanmış çox düzgün addımlar atılıb.

“Biz həm texnologiyaları gətirib Azərbaycanda tətbiq etməliyik, həm də elə güclü kadr potensialı yaranmalıdır ki, biz özümüz bu texnologiyaların müəllifləri olaq”, – deyə İ.Əliyev əlavə edib.