Azərbaycanda ilk: Heç bir bank dollar sifariş vermədi

Mərkəzi Bankın təşkil etdiyi son valyuta hərraclarında ilk dəfə olaraq banklar tərəfindən heç bir sifariş təqdim edilməyib. Bu o deməkdir ki, hərraca çıxarılan dolları heç bir bank almaqda maraqlı olmayıb.

Bu barədə Mərkəzi Bankın rəsmi saytında məlumat yerləşdirilib. Məlum olub ki, banklar keçirilən hərraclarda 1 dollar belə almayıb. Bunun isə bir neçə səbəbləri var.

“Bu, birbaşa mövsümi faktorlarla bağlıdır. Belə ki, yanvar ayında dollara tələbin azalması müşahidə olunur. Eyni zamanda əhalinin də dollara tələbində azalmalar var. Həm limitin olması, həm də depozit faizlərində manatla depozitlərin daha çox edilməsi dollara tələbin azalmasına gətirib çıxarıb”, - deyə millət vəkili Vüqar Bayramov bildirib.

Azərbaycan neftinin nəzərdə tutulan 50 ollardan baha satılması, eləcə də dollara tələbin ilin ilk ayı ərzində yaranmaması əhalidə sual yaradır: Dollar manata nisbətdə ucuzlaşacaqmı?