Bitkoinin qiyməti ilə bağlı vacib proqnoz: bizi nələr gözləyir?

Bu günlərdə qiyməti 2022-ci ildən bəri ilk dəfə 35 min ABŞ dollarlıq həddi ötməyə müvəffəq olmuş “Bitkoin”in daha da bahalaşacağı gözlənilir.

Kriptovalyuta bazarlarının aparıcı analitiki Jason Pizzino Bitkoinin bazar və real dəyəri göstəricilərinə əsaslanaraq qiymətin 42 min dollara yüksələcəyini proqnozlaşdırıb.

Qeyd edək ki, ABŞ Qiymətli Kağızlar və Birjalar Komissiyasının “Bitkoin”ə bağlı fondlarının yaxın müddətdə təsdiqləyəcəyi gözləntiləri kriptovalyutanın qiymətini artırıb.

Digər tərəfdən bu ölkənin qanunverici orqanının təmsilçiləri Ədliyyə Nazirliyini “Binance” və “Tether” kimi kriptovalyutalarla bağlı araşdırma aparmağa çağırıblar. Səbəb kriptovalyuta nəhənglərinin HƏMAS-ı maliyyələşdirməkdə şübhəli bilinməsidir.