Bu ilin sonuna qədər... | Azərbaycanla bağlı maraqlı proqnoz

2025-ci ilin sonuna qədər Azərbaycanda daşınmaz əmlak bazarının həcminin 501,33 milyard ABŞ dollarına çatacağı gözlənilir.

“Report”un Beynəlxalq Statistika Komitəsinə istinadən məlumatına görə, bunun 403 milyard 46 milyon dolları bazarın əsas seqmenti olan yaşayış evlərinin payına düşəcək.

Bildirilib ki, 2025-2029-cu illərdə bu seqmentin illik orta artım tempi 7,39 faiz təşkil edəcək və nəticədə 2029-cu ildə bazarın həcmi 666 milyard 65 milyon ABŞ dollarına yüksələcək.

Qurumdan qeyd edilib ki, Azərbaycanın daşınmaz əmlak bazarında lüks mülklərə tələbat artmaqdadır. Bu tendensiyanın əsas səbəblərindən biri ölkəyə yönələn xarici investisiyaların çoxalmasıdır.

O da bildirilib ki, 2025-ci il dünyada daşınmaz əmlak bazarının ən yüksək dəyərə malik olduğu ölkənin ABŞ olacağı proqnozlaşdırılır. Bu ölkədə sözügedən bazarın həcminin 136,6 trilyon dollar təşkil edəcəyi gözlənilir.