İlham Əliyev gələn ilin dövlət büdcəsi layihəsini Milli Məclisin müzakirəsinə təqdim edib

Prezident İlham Əliyev “Azərbaycan Respublikasının 2025-ci il dövlət büdcəsi haqqında” Qanun layihəsini Milli Məclisin müzakirəsinə təqdim edib.

Sənədə görə, büdcə gəlirlərinin 38 milyard 316 milyon manat olması gözlənilir. Bu isə 2024-cü ilin təsdiq olunan proqnozuna nisbətən 5,3 faiz çoxdur.

Xərclərin isə 41 milyard 367 milyon 600 min manat təşkil edəcəyi proqnozlaşdırılır. Bu nəticə 2024-cü ilin müvafiq göstəricisindən 4,1 faiz artıqdır.

Bununla da 2025-ci ilin dövlət büdcəsində 3 milyard 51 milyon 600 min manat kəsirin yaranacağı proqnozlaşdırılır. Bu göstərici isə 2024-cü ilin analoji nəticəsi ilə müqayisədə 9 faiz azdır.