Mərkəzi Bankdan qərar | Ləğv edilən bankın lisenziyası hara verildi?

Mərkəzi Bankının İdarə Heyətinin qərarı ilə “Naxçıvanbank”ın müraciəti əsasında lisenziyası ləğv edilib.

Bankın lisenziyası onun bazasında yaradılmış “E-Kredit” MMC bank olmayan kredit təşkilatına verilib. Artıq “Naxçıvanbank”ın bütün aktivləri, o cümlədən kredit tələbləri hüquqi varisi olan “E-Kredit” bank olmayan kredit təşkilatına keçib.

Kredit təşkilatı öz fəaliyyətini “Naxçıvanbank”ın ünvanında həyata keçirəcək. “Naxçıvanbank” tərəfindən öz əmanətçiləri və digər kreditorları qarşısında olan öhdəliklərinin yerinə yetirilməsi planı təsdiq edilərək icrasına başlanılıb, onların məlumatlandırılması təmin edilib.

Qeyd edək ki, hesablarında olan vəsaitlərin əldə edilməsi üçün müraciət etməyən fiziki və hüquqi şəxslərin hesabları üzrə qalıqlar, Mərkəzi Bankda açılmış xüsusi hesaba köçürülüb, digər kreditorlar qarşısında olan öhdəliklər isə “Naxçıvanbank” tərəfindən icra edilib.