Orta Dəhlizlə Avropaya göndərilən yük maşınları Azərbaycana çatdı

Orta Dəhliz vasitəsilə göndərilən Çinin ilk yük avtomobilləri “Azərbaycan Xəzər Dəniz Gəmiçiliyi” QSC-nin gəmisi ilə Azərbaycana çatdırılıb.

26 yük avtomobilindən ibarət ilk konvoy iyulun 3-də Qazaxıstanın Kurik Limanında ASCO-nun Dəniz Nəqliyyatı Donanmasına məxsus “Merkuri-1” gəmi-bərəsinə yüklənərək yola salınıb. Artıq Azərbaycana çatan avtomobillər buradan Gürcüstan və Türkiyə vasitəsilə Avropa ölkələrinə göndəriləcək.

Bundan əvvəl mayda Çin Avropaya Kurikdən Orta Dəhlizlə sınaq rejimində 80 ton ağırlığında üç yük maşını göndərib.