Rəqəmsal Texnologiyanın Transformasiyası Mərkəzi işə düşür | Nazir danışdı

“Azərbaycanda innovasiya siyasəti və baxışı daha yaxşı təqdim olunmalıdır”.

Bunu iqtisadiyyat naziri Mikayıl Cabbarov bu gün keçirilən “Baku ID” festivalında deyib.

O bildirib ki, bunun üçün uğurlu başlanğıclar edilməlidir: “Sessiyadan əvvəl aparılan müzakirələrdə sahibkarların və ya tənzimləyicilərin üzləşdiyi çətinliklərin həm də qanunvericilikdəki boşluqlardan irəli gəldiyi bildirildi. Biz ekosistemi təmin etməli, maliyyəyə çıxış və vençur kapitalının cəlbi ilə bağlı işlər görməliyik. Hazırda rəqəmsal texnologiyanın transformasiyası mərkəzini işə salırıq. Bunun üçün müvafiq yerlər ayırdıq. Məqsəd sahibkarlar üçün platforma təmin etməkdir”.