Torpaqların tərkibindəki qatqılar müəyyənləşdiriləcək | SOCAR-ın vitse-prezidenti

“Hazırda Azərbaycan Dövlət Neft Şirkətinin 1300 hektar çirklənmiş əraziləri var”.

Bunu SOCAR-ın vitse-prezidenti Əfqan İsayev "Ambisiyaların artırılması və fəaliyyətə təkan: COP29 Dayanıqlı Biznes Forumu"nda deyib.

Onun sözlərinə görə, bu irs də onlara sovet vaxtından miras qalıb:

"Bu çirklənmiş torpaqların təmizlənməsi üçün məsləhətçilərlə diaqnostika aparırıq. Torpaqların tərkibindəki qatqılar müəyyənləşdiriləcək və onun təmizlənməsi üç mərhələdə həyata keçiriləcək".

Əfqan İsayev əlavə edib ki, hazırda hökumətlə bu məsələ nəzərdən keçirilir:

"Bəzi institutlar da bizə kömək edir. Bundan başqa, Beynəlxalq Maliyyə Korporasiyası bizə texniki yardım layihəsi çərçivəsində dəstək göstərir. Çünki SOCAR təkbaşına bunu edə bilməyəcək", – deyə vitse-prezident bildirib.