Bankın böyük layihələri sırasında SOCAR yer alıb - Baku TV

Qara Dəniz Ticarət və İnkişaf Bankı (QDTİB) Azərbaycanda ümumi məbləği 450 milyon 946 min avro olan 47 layihənin maliyyələşdirilməsi üzrə sazişlər imzalayıb.

Bank tərəfindən 42 əməliyyat çərçivəsində maliyyələşdirməyə yönəldilən vəsaitlərin faktiki həcmi 711 milyon 819 min avro məbləğində qiymətləndirilir.

Bununla yanaşı, bankın Direktorlar Şurası sentyabrın sonuna kimi Azərbaycanda ümumi məbləği 453 milyon 802 min avro olan layihələri təsdiqləyib.

Qurumun hesabatına əsasən, Azərbaycanda imzalanmış layihələr portfelində ən böyük pay 50,28% (169 milyon 670 min avro) maliyyə sektorunun payına düşür. Energetika layihələrinin payına 35,23% (118 milyon 89 min avro), daşınmaz əmlak sektorunun payına isə 6,92% (23 milyon 337 min avro) düşür. İlkin tələbat malları ilə bağlı layihələrin payı 3,91% (13 milyon 21 min avro), seçmə tələbat malları üzrə isə 3,65% (12 milyon 329 min avro) təşkil edir.

Bankın Azərbaycandakı böyük layihələri sırasında Azərbaycan Dövlət Neft Şirkətinin (SOCAR) da yer alıb. Şirkətə 75 milyon ABŞ dolları məbləğində kredit ayrılıb.