Uçot dərəcəsi dəyişdirildi? | İnflyasiya proqnozu isə...

Azərbaycan Mərkəzi Bankı uçot dərəcəsi ilə bağlı qərar qəbul edib.

Belə ki, qurumun İdarə Heyəti faiz dərəcəsini dəyişməyərək 7,25 olaraq müəyyən edib.

Həmçinin faiz dəhlizinin aşağı həddi 6,25, yuxarı həddi isə 8,25 faiz saxlanılıb.

Bildirilib ki, bu qərar faktiki inflyasiya templərinin gözləntilərə uyğun formalaşması, proqnozlaşdırılan inflyasiyanın hədəfdə qalması, onun daxili və xarici amillərinin dinamikası nəzərə alınmaqla qəbul olunub. Qeyd edilib ki, faiz dəhlizinin parametrləri ilə bağlı növbəti qərar sentyabrın 18-də açıqlanacaq.