“1.23 m boyum var, elələri pul istəyir ki...” - "Bozbash pictures"in aktyoru niyə efirdən uzaqlaşıb?

“Arzunun vaxtı” verilişinin yeni buraxılışının qəhrəmanı aktyor Amil Verdiyev olub.

Boyu 123 santimetr olan Amil uşaqlıqda bunun onda kompleks yaratdığını deyib:

“Çünki bəzi insanlar bəstəboy olduğum üçün mənə gülürdülər. Amma sonradan özümlə barışdım və boyumu kompleksə çevirmədim”.

O həmçinin çalışdığı layihələrdə haqsızlıqlarla üzləşdiyini bildirib:

“Bir çox layihələrdə çəkilmişəm. Onlardan biri də İlkin Həsəninin “Bozbash Pictures” layihəsidir. İlkin Həsəni yaxşı insandır, mənə çox köməyi dəyib. Amma digər işlərimdə müəyyən vədlər verilsə də, onların heç biri gerçəkləşmədi. Bu da məni motivasiyadan saldı. Çəkildiyim bəzi layihələrdə çox haqsızlıqlar gördüm. Bütün bunlara görə efirlərdən uzaqlaşdım”.