Artıq hamı bunu işlədir! | Dünyada ən çox yüklənilən tətbiq hansıdır?

"ChatGPT" 2025-ci ilin mart ayında dünyanın ən çox yüklənən mobil tətbiqi olub və bu göstərici ilə "TikTok" və "Instagram"ı geridə qoyub.

Analitiklərinin məlumatına görə, mart ayında "ChatGPT" 46 milyon dəfə yüklənib.

Ekspertlər bu sıçrayışlı artımı əsasən tətbiqə əlavə olunan yeni funksiyalarla əlaqələndirirlər.

Ən çox maraq doğuran yeniliklərdən biri yüksəkkeyfiyyətli şəkil generasiyasıdır. Bu funksiya istifadəçilərə məşhur "Studio Ghibli" üslubunda illüstrasiyalar, maraqlı memlər və vizual kontent yaratmağa imkan verir.

Mütəxəssislər qeyd edirlər ki, "ChatGPT" artıq süni intellektin sinoniminə çevrilib. Necə ki, 2000-ci illərdə "Google" internet axtarışının sinonimi idi, bu gün "ChatGPT" süni zəkanın adıdır.