Artırılan müavinətlər kimlərə aiddir? - Nazir müavini açıqladı

“2018-ci ildən bu günə qədər minimum əməkhaqqı 130 manatdan 400 manata, ortaaylıq əməkhaqqı isə 2 dəfə artaraq 1084 manata çatıb. Minimum pensiya da 110 manatdan 320 manata yüksəldilib”.

Bu fikirləri əmək və əhalinin sosial müdafiəsi nazirinin müavini Rəşad Mustafayev “DOST to DOST” layihəsi çərçivəsində keçirilən “Əmək münasibətləri” adlı təlim proqramının bağlanış mərasimində çıxışı zamanı səsləndirib.

Nazir müavini bildirib ki, əmək müqavilələrinin sayı 1 milyon 900 min nəfərə çatıb. O həmçinin qeyd edib ki, 12 iyun tarixində imzalanmış fərmanla şəhid ailələri, əlilliyi olan şəxslər, aztəminatlı ailələr və çoxuşaqlı analar da daxil olmaqla bir sıra sosial cəhətdən həssas əhali qruplarına yönəlmiş müavinət və təqaüdlərin məbləğləri artırılıb.