Aviareyslər ayın neçəsinə kimi ləğv olundu? | Sərnişinlərin diqqətinə

Yaxın Şərqdə baş verən son hadisələr və bir sıra ölkələrin hava məkanlarının bağlanması ilə əlaqədar “Azərbaycan Hava Yolları” (AZAL) aviaşirkətinin 14 iyun tarixinə Təl-Əviv, Nyu-Dehli, İslamabad, Ər-Riyad, Tehran, 15 iyun tarixinə Təl-Əviv, 16 iyun tarixinə Təl-Əviv və Tehran istiqamətlərində planlaşdırılan reysləri ləğv edilib.

Bu barədə AZAL-dan məlumat verilib.

Qeyd edilib ki, Bakı-Təbriz-Bakı marşrutu üzrə reyslər iyun ayının sonunadək ləğv edilib.

“AZAL uçuşların təhlükəsizliyini rəhbər tutaraq vəziyyəti diqqətlə izləməyə davam edir. Sərnişinlər uçuş cədvəlindəki dəyişikliklər barədə operativ şəkildə məlumatlandırılacaqlar”, – deyə qurumdan bildirilib.