Azərbaycanda uşaqlar üçün ayrıca reabilitasiya mərkəzi yaradılacaq

“Reabilitasiya mərkəzi ən çox tələb olunan sahələrdən biridir. Gündəlik xəstə qəbulu minimum 500, illik isə 150-200 min nəfər kimi hədəflənib”. 

Bunu TƏBİB-in İcraçı direktoru Vüqar Qurbanov Yeni Robotik Reabilitasiya Mərkəzi və Hematologiya–Sümük İliyi Transplantasiyası Mərkəzinin fəaliyyətə başlanmasına həsr olunmuş brifinq zamanı deyib.

V.Qurbanov bildirib ki, bu xidmətə ehtiyacı olanların əksəriyyəti uşaqlardır:

“Ölkəmizdə bu xidməti almaq istəyən kifayət qədər insan var. Onların böyük qismi uşaqlardır və daha çox anadangəlmə genetik problemlərdən əziyyət çəkənlərdir. Bu xəstələrin müalicəsində reabilitasiya və fizoterapiya ən önəmli yerlərdən birini tutur”.