Bakıda BYD avtomobilinin qəza törədən sürücüsündən açıqlama | Buna görə bərk qaza basdım

Bakıda taksi fəaliyyəti ilə məşğul olan BYD avtomobilinin qəza törədən sürücüsü ilk dəfə danışıb.

Bu barədə sosial şəbəkələrdə görüntülər yayılıb.

Anar Nəcəfov bildirib ki, o, narkoloji testdən keçib.

"Məni sadəcə qıcolma tutdu, dilim qatlandı, bərk qaza basdım", ‒ deyə sürücü bildirib.

O, guya 90 min manat pul yığılması və avtomobil hədiyyə ediləcəyi ilə bağlı yayılan məlumatlara da aydınlıq gətirib.

"Cəmi 3-4 min pul yığılıb. Maşın da hədiyyə edilməyib. Yalan söhbətdir", ‒ o bildirib.

Qeyd edək ki, Bakıda BYD avtomobilinin sürücüsü idarəetməni itirərək arakəsməni yarıb və Heydər Əliyev prospekti ilə hərəkətdə olan "Ford"a dəyib, uçaraq yolun o biri tərəfinə düşüb.