“Belə getsə, ilin sonuna qədər...” | 5 binanın sakinlərindən şikayət | “Əziyyət çəkirik!” - Baku TV

Nizami rayonunun Bəhruz Nuriyev küçəsində yerləşən beş binanın həyətində aparılan abadlıq işləri yarımçıq qalıb.

Sakinlərin sözlərinə görə, təxminən üç ay əvvəl ərazidə söküntü və abadlıq işlərinə başlanılıb, lakin bir müddət sonra işlər dayandırılıb.

“Neçə aydır ki, bu vəziyyətdən əziyyət çəkirik. Üç ay əvvəl ərazidə, binaların bəzi fasadlarında işlərə başlanıldı. Amma iki aydır ki, heç bir iş görülmür. Binaların arasındakı asfalt örtüyü sökülüb, ərazi toz-torpaq içində qalıb. Payızda bura palçıq olacaq”, – sakin bildirib.

Sakinlər məhəllədə yerləşən mərasim evinin fəaliyyəti ilə bağlı da narazılıqlarını ifadə ediblər.

“Mərasimlər zamanı mərhumun yaxınları və qohumları gəlir, çoxsaylı avtomobillər əraziyə toplaşır. Bu isə məhəllədə sıxlıq yaradır”, – sakin qeyd edib.