Dayanacaqlardan terminalların yığışdırılması narazılıq yaradıb

Dayanacaqlarda ödəmə terminallarının yığışdırılması sərnişinlərin və sürücülərin narazılığına səbəb olub.

Sərnişinlər kartlarına gediş haqqını yükləmək üçün metroya getməyə və ya ödəmə aparatları olan marketlər axtarmağa məcbur qalırlar. Onlayn ödəniş üsulu isə həmişə və hər kəsə əlçatan deyil.

“Gediş haqqı artırılıbsa, bu problemə də bir həll yolu tapmaq lazımdır”, – deyə paytaxt sakini qeyd edib.

Nəqliyyat üzrə ekspertlərin fikrincə, ödəmə terminalları camaatın metroya yönləndirilməsi üçün yığışdırılıb. Çünki kifayət qədər avtobus olmadığından insanlar saatlarla dayanacaqlarda gözləməli olurlar.