Göz quruluğunun əsas səbəbləri açıqlandı | Həkimlərdən həyəcan təbili

Göz quruluğu təkcə kompüter qarşısında uzun müddət işləməkdən deyil, həmçinin qida rasionunda yağların çatışmazlığından, yuxu rejiminin pozulmasından və gözyaşı vəzilərinin düzgün işləməməsindən qaynaqlana bilər.

Oftalmoloqlar bildirirlər ki, gözyaşının az ifraz olunmasının əsas səbəbi yorğunluqdur. Kompüterdə uzun müddət işləmək gözlərə mənfi təsir göstərir. Göz quruluğunun ikinci səbəbi keyfiyyətsiz və kifayət qədər olmayan yuxudur. Yuxu orqanizmin, o cümlədən görmə orqanlarının bərpası üçün vacibdir. Əgər insan az və ya pis yatırsa, qızarmış və qıcıqlanmış gözlərlə oyanacaq.

Xəstəliyin inkişafının üçüncü səbəbi balanslaşdırılmamış qidalanma və yağsız pəhrizlərdir. Qida rasionunda yağ turşularının çatışmazlığı zamanı gözlərə lazımi maddələr daxil olmur. Bu səbəbdən gözyaşı mayesinin ifrazı zəifləyir ki, bu da quruluğa gətirib çıxarır. Gündəlik menyunuza qoz-fındıq, balıq, avokado və bitki yağları kimi əlavələr edin.

Bundan əlavə, gözyaşı vəzilərinin funksiyası pozula bilər ki, bu halda xəstə gözlərdə allergik reaksiyalar və iltihabdan şikayət edə bilər. Gözyaşının çox ifraz olunması da quru göz sindromunun əlaməti ola bilər. Çünki hər hansı qıcıqlandırıcı səbəbə görə gözyaşının tərkibi dəyişir. Bu zaman gözyaşları göz almalarını nazik bir təbəqə ilə örtmək əvəzinə, daha aktiv ifraz olunaraq göz qapaqlarından axır. Vəzilərin fəaliyyətini yoxlamaq üçün oftalmoloqa müraciət etmək lazımdır. Həkim müayinə əsnasında hər hansı pozuntu aşkar edərsə, xüsusi damcılar təyin edəcək.