İlk iş günü hansı hava şəraiti gözlənilir?

Dekabrın 1-nə gözlənilən hava şəraiti açıqlanıb.

Milli Hidrometeorologiya Xidmətindən verilən məlumata görə, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir. Atmosfer təzyiqi 762 mm civə sütunu olacaq. Nisbi rütubət gecə 80-85, gündüz 70-75% olacaq.

Bəzi yerlərdə yağış yağacağı ehtimal olunur. Cənub-şərq küləyi əsəcək. Havanın maksimal temperaturu 14-17 dərəcə isti olacaq.

Dekabrın 1-i gündüzdən 3-ü axşamadək Azərbaycanın əsasən dağlıq və dağətəyi rayonlarında hava şəraitinin fasilələrlə yağıntılı olacağı gözlənilir. Ayrı-ayrı yerlərdə yağıntıların qısa müddətə intensivləşəcəyi, dağlıq ərazilərdə qara keçəcəyi ehtimal olunur.

Havanın maksimal temperaturu Aran rayonlarında 12-16, dağlıq ərazilərdə isə 2-6 dərəcə isti olacaq.