“İnsan dinlədiyi musiqiyə uyğun tərzdə geyinir” | Qərb musiqisi niyə robotlaşıb? - AMİN

“Amin” verilişinin yeni buraxılışında Əməkdar artist Vüqar Camalzadə ilə ruhanilik və musiqi mövzusu müzakirə olunub.

Vüqar Camalzadə musiqinin insana təsirindən söz açıb:

“Biz çox vaxt musiqiyə, sadəcə, əyləncə kimi yanaşırıq. Amma bu, doğru deyil. Çünki musiqi insanı formalaşdıran bir qüvvədir. Adam hansı növ mahnıya qulaq asırsa, düşüncəsi, geyimi, həyat tərzi də ona uyğunlaşır”.

Sənətçi həmçinin Şərq və Qərb musiqisini müqayisə edərək onların əsas fərqlərinə toxunub:

“Avropa bəstəkarları əsərlərində ən xırda detala qədər hər şeyi notda göstərirlər, musiqiçi isə yalnız yazılanı ifa edir. Şərqdə isə belə deyil: bəstəkar struktur verir, alət ifaçısı isə onun üzərində öz yaradıcılığını icra edir. Qərb musiqini robotlaşdıraraq insanın yaradıcılıq azadlığını əlindən alıb. Avropada melodiya istiqamət tələb edir, amma Şərq musiqisi bütövdür – azan səsinə müşayiət lazım olmadığı kimi”.