Millət vəkilləri 1-ci sinifə qəbul prosesini müzakirə etdi

"Uşaq məktəbə gəlir ki, burada dərs öyrənsin, oxusun. Bu, evdə oxuyacaqdısa, onu niyə məktəbə gətiriblər?".

Bu sözləri deputat Siyavuş Novruzov Milli Məclisdə çıxışı zamanı deyib.

O bildirib ki, Azərbaycan Konstitusiyasında göstərilib ki, təhsil icbaridir, məcburidir. Lakin birinci sinifləri qəbul edəndə müsabiqə tətbiq edirlər:

"Vaxtilə Çar Aleksandr manifest qəbul etdi, camaatı evindən dartıb məktəbə gətirirdilər. İndi istəyirlər ki, uşaq məktəbə gəlməsin, evində otursun, kimsə müsabiqə götürsün. Əgər məktəbəqədər təhsil müəssisələrinin sayı Bakıda 25%, rayonlarda isə bu say 10-15%-dirsə, bu uşaq harada təhsil almalıdır?".