Milli Qəhrəman Polad Həşimovun doğum günündə xatirəsi yad edildi

Azərbaycanın Milli Qəhrəmanı general-mayor Polad Həşimovun doğum günündə Müdafiə Nazirliyinin bir qrup zabit heyəti, Vətən müharibəsi iştirakçıları və Milli Qəhrəmanın ailə üzvləri onun məzarını ziyarət ediblər.

Polad Həşimov 1975-ci il yanvarın 2-də Qəbələ rayonunun Vəndam kəndində anadan olub. Milli Qəhrəman döyüş bölgələrində Vətənimizin müdafiəsi uğrunda ona həvalə edilmiş əmr və tapşırıqları layiqincə yerinə yetirərək “general-mayor” ali hərbi rütbəsinədək yüksəlib.

O, 2020-ci il iyulun 14-də Tovuz rayonu istiqamətində düşmənin hücum cəhdlərinin və təxribatlarının qarşısını alarkən qəhrəmancasına şəhid olub.

Anım mərasimində Müdafiə Nazirliyinin rəhbərliyi adından Milli Qəhrəmanın məzarı üzərinə gül dəstələri qoyulub, xatirəsi hörmət və ehtiramla anılıb.