Ölkə əhalisinin sayı neçə nəfərə çatdı? | Statistika açıqlandı

Bu ilin yanvar-may aylarında Ədliyyə Nazirliyinin rayon qeydiyyat şöbələri tərəfindən 38 836 doğulan körpə qeydə alınıb. Ötən ilin müvafiq dövrü ilə müqayisədə əhalinin hər 1000 nəfərinə bu göstərici azalaraq 9,8-dən 9,2-yə düşüb.

Bu barədə Baku TV-yə Dövlət Statistika Komitəsindən məlumat verilib.

Bildirilib ki, doğulan körpələr arasında oğlan uşaqlarının xüsusi çəkisi 53,2 faiz, qız uşaqlarının isə 46,8 faiz olub. Körpələrdən 1264-ü əkiz, 57-si isə üçəm doğulub.

Beləliklə, ölkə əhalisinin sayı ilin əvvəlindən 14 205 nəfər və ya 0,14 faiz artaraq 2025-ci il iyun ayının 1-i vəziyyətinə 10 239 094 nəfərə çatıb. Əhalinin 54,4 faizini şəhər, 45,6 faizini kənd sakinləri, 49,8 faizini kişilər, 50,2 faizini isə qadınlar təşkil edir.