Paytaxt küçələrində qardan sonra yaşananlar | Sakinlər Baku TV-yə danışdı

Baku TV qarlı-şaxtalı hava ilə bağlı paytaxt yollarında yaşanan vəziyyət barədə son məlumatları təqdim edir.

Bakının Həsən Əliyev küçəsində şəhərin digər istiqamətləri ilə müqayisədə yollar daha çox buz bağlayıb.

Metronun “20 Yanvar” stansiyası ətrafında da qar yağışı intensiv olub. Yolun hərəkət hissəsində hər hansı problem qeydə alınmasa da, səkilərdə vəziyyət ürəkaçan deyil.

Bakı Dairəvi yolunda da avtomobillə hərəkət etmək xüsusilə çətindir və sürücülər bu istiqamətdə hərəkət edərkən diqqətli olmalıdırlar.

Sakinlər də hava şəraiti ilə əlaqədar çətinlik yaşadıqlarını bildiriblər. “Hər tərəf qardır. Sumqayıtdan bir saat yarıma gəlib çatmışam”, − deyə sakin söyləyib.