Qarabağ Universitetinin rektoru son proseslərdən danışdı | Yüksək bal toplayanların sayı çoxdur

“Bizi çox sevindirir və qürurlandırır ki, Qarabağ Universitetinin ilk tələbələri üçün elan etdiyimiz qəbul planı tam dolub və xüsusi vurğulayaq ki, tələbə qəbulu çox keyfiyyətli olub”.

Bunu Qarabağ Universitetinin rektoru Şahin Bayramov deyib.

Bildirib ki, universitetə qəbul olan tələbələr arasında imtahanlarda yüksək bal toplayan gənclərin sayı çoxdur:

“Bu, bizi qürurlandırır və keyfiyyətli universitet quruculuğu yolunda daha da ruhlandırır”.

“Təbii ki, tələbələrimizin Azərbaycanımıza layiqli vətəndaş, yüksəkixtisaslı mütəxəssis olmaları ilə bağlı vacib tapşırığınız var. Buna görə də universitetimizi yeni dövrün çağırışlarına uyğun, məhz müasir Azərbaycan gəncinin arzu və istəklərinə uyğun formalaşdırmağa çalışırıq. Universitetimizdə məhz buna uyğun akademik məzmun yaradılıb və yeni dövrə uyğun universitet idarəetmə modeli formalaşdırırıq”, – deyə Ş.Bayramov qeyd edib.